Այսօր՝ հուլիսի 22-ին, դաժան ու ողբերգական ավտովթար է տեղի ունեցել Արագածոտնի մարզում: Ժամը 08:00-ի սահմաններում Աշտարակ քաղաքից դեպի Գյումրի տանող ճանապարհահատվածում բախվել են Արագածոտնի մարզի Արուճ գյուղի բնակիչ, 27-ամյա Գալուստ Վերդոյանի վարած Վազ 2107 մակնիշի 34 QL 135 համարանիշի և Արագածոտնի մարզի Ագարակ գյուղի բնակիչ, 26-ամյա Էդգար Միրզոյանի վարած ЗИЛ ММЗ 4502 մակնիշի 94 PP 004 համարանիշի ավտոմեքենաները:
Ինչպես հայտնում է shamshyan.com-ը, բախման հետևանքով «07»-ի վարորդ Գ. Վերդոյանը տեղում մահացել է, իսկ հարվածի արդյունքում նրա ավտոմեքենան գլխիվայր շրջվել է, իսկ ЗИЛ-ն էլ, որը բարձված է եղել քարով, կողաշրջվել է: Օպերատիվորեն վթարի վայր է ժամանել ոստիկանության Աշտարակի բաժնի օպերատիվ խումբը՝ Աշտարակի պետ Արմեն Մելոյանի գլխավորությամբ: Օպերատիվորեն է ժամանել նաև Հայաստանի քննչական կոմիտեի Արագածոտնի մարզային քննչական վարչության քննչական խումբը՝ վարչության պետ Մարատ Դուրյանի գլխավորությամբ:
Աշտարակի ոստիկանապետը, քննչական վարչության պետը և Ճանապարհային ոստիկանության 2-րդ սպայական գումարտակի 2-րդ վաշտի հրամանատարի տեղակալ Սուքիաս Գրիգորյանը բժիշկների ուղեկցությամբ վթարի վայրից 2 հոգու մարմնական վնասվածքներով տեղափոխեցին Աշտարակի հիվանդանոց: Այս պահին դեպքի վայրում աշխատում են քննչական վարչության պետի տեղակալ Գագիկ Առաքելյանը, նույն վարչության քննիչ Գագիկ Առաքելյանը և Ճանապարհային ոստիկանության 2-րդ սպայական գումարտակի 2-րդ վաշտի 2-րդ դասակի հրամանատար Արմեն Պողոսյանը:
Փաստի առթիվ քննիչի որոշմամբ հարուցվել է քրեական գործ՝ ՀՀ քր.օր.-ի 242 հոդվածի 2-րդ մասի հատկանիշներով: Ոստիկանությունն ու քննչական բաժինը պարզում են վիրավորի ինքնությունը:
shamshyan.com-ը հայտնում է նաև, որ մահացածը ՀՀ ՊՆ ռազմական ոստիկանության աշխատակից էր, իսկ նրա հայրն ու մայրն այս տարվա փետրվարի 17-ին Արագածոտնի մարզի Արուճ գյուղի խաչմերուկում ավտովթարի էին ենթարկվել և մահացել:
Մանրամասները՝ shamshyan.com-ում
