ԵԽ նախագահ Դոնալդ Տուսկը հայտարարել է, որ ԵԽ-ն և Վրաստանը հստակ նպատակաուղղվել են ինտեգրմանը:
«Երկու կողմերը մերձեցման համար մաքսիմալ ջանքեր են գործադրում, և հաշվի առնելով վրաց ժողովրդի՝ եվրաինտեգրման օգտին արված ընտրությունը՝ ժամանակի ընթացքում արդյունքը ակնհայտ կլինի»,- հայտարարել է Տուսկը Վրաստանի նախագահ Իրակլի Գարիբաշվիլու հետ համատեղ մամլո ասուլիսի ժամանակ:
«Մեզ տարածաշրջանում պետք է վստահելի գործընկեր: Մենք պետք է զարգացնենք մեր հարաբերությունները և հատուկ դեր խաղանք տարածաշրջանում խաղաղության պահպանման գործում»,- ավելացրել է ԵԽ նախագահը»:
Իր հերթին Գարիբաշվիլին շնորհակալություն է հայտնել Տուսկին աջակցության համար: Նա մասնավորապես ասել է. «Մենք մեծ տեղ ենք տալիս ստրատեգիական ոլորտներում համագործակցությանը, ինչպիսիք են՝ էներգետիկ անվտանգությունը և տրանսպորտը: Վրաստանը ԵԽ-ի վստահելի գործընկերն է. մենք դա բազմիցս ապացուցել ենք: Մեր երկիրը ակտիվորեն մասնակցում է բոլոր այն նախագծերի իրականացմանը, որոնք ուղղված են էներգափոխադրումների դիվերսիֆիկացմանը:
