Գոլանի բարձունքներում տեղակայված Իսրայելի բանակային ստորաբաժանումները բերվել են մարտական պատրաստության վիճակի Սիրիայի ապստամբների ակտիվացման կապակցությամբ:
Սիրիացի ապստամբները օրեր առաջ ներխուժել են Գոլանի բարձունքների ապառազմականացված գոտի: Այս մասին հաղորդում է ITAR-TASS-ը՝ վկայակոչելով իսրայելական ԶԼՄ-ներին:
Իսրայելը և Սիրիան այս գոտու կարգավիճակը պահպանում են 1973 թ. արաբա-իսրայելական պատերազմի ավարտից հետո: Այժմ այդ ժամանակաշրջանը փաստացիորեն ավարտվել է:
Համացանցում տեղադրվել են մի քանի տեսանյութեր, որոնցում սիրիացի ապստամբները պատկերված են ապառազմականացված գոտում: Նրանց ներկայացուցիչն ասում է, որ իրենք կանգնած են շրջափակված Գոլանի բարձունքներում՝ օրհնված հող, որը վաճառել է Հաֆեզ Ալ-Ասադը:
Իսրայելի էլիտար «Գոլանի» ջոակտը, որը պահպանում է սահմանը, ուժեղացվել է հրետանային հատուկ նշանակության ուժերի ստորաբաժանումներով:
