Sputnik-Georgia լրատվական գործակալության փոխանցմամբ՝ Վրաստանի ԱԳՆ-ն երկրում գտնվող Շվեյցարիայի դեսպան Գյունթեր Բեհլերին նոտա է հղել, ինչի պատճառը Վրաստանի ու Հարավային Օսիայի վարչական սահմանին կատարված փոփոխություններն են։ Այս մասին հայտնել է Վրաստանի ԱԳՆ-ի մամլո դեպարտամենտը։
Շվեյցարիայի դեսպանին, ով Ռուսաստանում ներկայացնում է Վրաստանի շահերը, ընդհակառակը՝ տրվել է սպառիչ տեղեկատվություն հուլիսի 10-ին Վրաստանի ու Հարավային Օսիայի վարչական սահմանին կատարված փոփոխությունների մասին։ Դրա հետևանքով սահմանագծման նշանները հայտնվել են Թբիլիսի-Գորի կենտրոնական ավտոմայրուղուց 500 մետր հեռավորության վրա։
Վրաստանի ԱԳՆ-ի տարածած հայտարարության մեջ նշված է. «Վրացական կողմը դատապարտել է Ռուսաստանի սադրիչ գործողությունները, որոնց նպատակը տեղում իրավիճակի ապակայունացումն է»։ Ավելի վաղ հաղորդվել էր, որ նոր սահմանագծման հետևանքով Վրաստանի իշխանությունները կորցրել են «Բաքու-Սուփսա» նավթամուղի մի շարք հատվածների (1.6 կիլոմետր) վրա վերահսկողությունը։
