Մոսկվայում Լեռնային Ղարաբաղի հակամարտության հարցով խորհրդակցություններ են անցկացվում, որոնց մասնակցում է նաև ԵԱՀԿ Մինսկի խմբի ամերիկացի համանախագահ Ջեյմս Ուորլիքը: Այդ մասին Twitter-ի իր էջում երեկ կատարված գրառմամբ հայտնել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը։
«Այսօր ես մեկնում եմ Մոսկվա և անհամբերությամբ սպասում եմ ԼՂ հակամարտության հարցով խորհրդակցություններին»,-նշել է ամերիկացի դիվանագետը:
Նա նաև հավելել է. «Մենք միասին աշխատում ենք Ղարաբաղում խաղաղության ուղղությամբ»: