Ամերիկացի բժիշկ-ուռուցքաբանը մեղավոր է ճանաչվել գրոծողությունների համար, որոնք կարող էին հարյուրավոր հիվանդների վնասել: Բժիշկ Ֆարիդ Ֆատան Միչիգանից կեղծ ախտրոշումներ է արել՝ հիվանդներին ասել է, որ նրանք քաղցկեղ ունեն և նշանակելէ բուժում, որը նրանց պետք չի եղել: Նրա հիվանդներից ոմանք մահացել են, շատերը հաշմանդամ են դարձել, հայտնում է ABC-ն:
Բժշկին մեղադրել են փողերի լվացման, մեքենայության և հանցավոր մտադրության համար: Մեքենայության ճանապարհով նա միլիոնավոր դոլարներ է ստացել: Իսկ նրա հիվանդներից շատերը շատ լուրջ խնդիրներ են ձեռք բերել, որոնց դեմ նրանք ստիպված են լինելու պայքարել ամբողջ կյանքում:
Բժշկի նախկին հիվանդներից ոմանք ցուցմունք են տվել դատարանում: Նրանցից մեկն ասել է. «Ֆատան հրեշ և խաբեության վարպետ է: Ես կյանքիս 3 տարին եմ ծախսել քաղցկեղի դեմ բուժման համար և ատում եմ այդ մարդուն: Ինչ-որ մեկը կարող է նրան ներել, բայց ոչ ես: Գուցե Աստված ների»:
Հիվանդների ցուցմունքներից ակնհայտ է դարձել, որ նրանցից ոմանք ընդհանրապես քաղցկեղ չեն ունեցել, ուրիշներին Ֆատան բուժել է հիվանդության ոչ այն տեսակի դեմ, ոմանց էլ նշանակել է դեղամիջոցներ ու պրոցեդուրաներ, որոնց անհրաժեշտությունը չի եղել:
Այդ ամենի դիմաց բժիշկը փող է ստացել: Երկու տարում նա հարստացել է 25 մլն դոլարով:
Մեղադրող կողմի տեղեկությամբ՝ ավելի քան 500 մարդ է տուժել բժշկի գործողություններից, մինչև 2013թ. նրան ձերբակալել են: Դատախազությունը պահանջել է սահմանել հնարավոր առավելագույն պատիժ՝ 175 տարվա ազատազրկում: Փաստաբանները խնդրում են 25 տարվա բանտարկություն:
