Հունաստանը վերջին տարիներին փորձնական լաբորատորիա է դարձել կոշտ տնտեսման քաղաքականութան իրագործման համար, բայց փորձը չհաջողվեց: RIA Novosti-ի հաղորդմամբ՝ այս մասին հայտարարել է Հունաստանի վարչապետ Ալեքսիս Ցիպրասը Եվրախորհրդարանի նիստում:
Ցիպրասը եվրոպացի պատգամավորներին պատմել է Հունաստանի տնտեսության վիճակի և հուլիսի 5-ին անցկացված հանրաքվեի մասին, որում հույների 61%-ը «ոչ» է ասել վարկատուների պահանջներին՝ շարունակել կոշտ տնտեսման քաղաքականությունը:
Նրա խոսքով՝ հանրաքվեն «հրահանգել է լուծում գտնել՝ չկրկնելով անցյալի սխալները, չիրագործել կոշտ տնտեսման քաղաքականություն, որը հանգեցրել է ճգնաժամի»:
«Հանրաքվեն անցավ այնպիսի պայմաններում, երբ փակ էին բանկերը, երբ ԶԼՄ-ների մեծ մասը պարզապես տեռորի էին ենթարկում ժողովրդին… Այդ հանրաքվեն Եվրոպայում համերաշխության, հավասարության վերադարձն է»,- նշել է Ցիպրասը:
