Հնդկաստանի արևմտյան Գուջարատ նահանգում տեղատարափ անձրևների հետևանքով առաջացած ջրհեղեղի ու սողանքների զոհ է դարձել առնվազն 45 մարդ։ Այս մասին հայտնում է India TV ազգային հեռուստաալիքը։
Մուսոնային սեզոնին առաջացած տեղումները հանգեցրել են գետերի վարարման նահանգի տարածքի զգալի մասում։
Խաթարված է տրանսպորտային հաղորդակցությունը մի քանի բնակավայրերի հետ, գրանցվել են էլեկտրամատակարարման խափանումներ, դժվարացած են խմելու ջրի մատակարարումները։
Անցած գիշեր 13 մարդ է զոհվել Բագասարա քաղաքի մոտ գտնվող գյուղական տեղանքում տների փլուզման հետևանքով։ Փրկարարական գործողություններում գործի են դրվել Հնդկաստանի ռազմաօդային ուժերի ստորաբաժանումներ։
Օդերևութաբանների կանխատեսումներով՝ անձրևները ևս մի քանի օր կշարունակվեն։
