Բաղրամյան պողոտայում լրագրողների մասնագիտական գործունեությունը խոչընդոտելու վերաբերյալ նյութերը ուղարկվել են Հատուկ քննչական ծառայություն: Այդ մասին «Առաջին լրատվական»-ին հայտնում են ՀՀ գլխավոր դատախազությունից։
ՀՀ գլխավոր դատախազությունից «Առաջին լրատվական»-ը տեղեկացավ, որ 2015թ. հունիսի 22-ի լույս 23-ի գիշերը Բաղրամյան պողոտայում տեղի ունեցած դեպքերի ընթացքում լրագրողների մասնագիտական գործունեությունը խոչընդոտելու վերաբերյալ հրապարակումները, տեսագրությունները, ինչպես նաև Հելսինկյան ասամբլեայի Վանաձորի գրասենյակի նախագահ Արթուր Սաքունցի գրությունը ՀՀ գլխավոր դատախազության հատկապես կարևոր գործերով քննության վարչության կողմից ուղարկվել է ՀՀ հատուկ քննչական ծառայություն` համապատասխան ընթացք տալու համար:
