Ավստրալիայի Ռեյվենշու քաղաքում սրճարանում գազի պայթյունից տուժել է առնվազն 20 մարդ։ Պայթյունը որոտացել է այն բանից հետո, երբ ավտոմեքենան մխրճվել է հաստատության մեջ: Այս մասին հաղորդում է ABC հեռուստաալիքը:
Միջադեպը տեղի է ունեցել Serves You Right Cafe սրճարանում:
Տուժածները ստացել են տարբեր աստիճանի այրվածքներ: Ծանր վիճակում գտնվողները երկու ուղղաթիռով տեղափոխվել են հիվանդանոց:
Միջադեպից հետո ոստիկանությունը շրջափակել է մոտակա փողոցները: Դեպքի վայրում աշխատում են հրշեջները։










































