Աբովյանի թիվ 28/21 ընտրատեղամասում այսօր իր քվեարկությունը կատարեց քաղաքապետի թեկնածու, Աբովյանի նախկին քաղաքապետ Կարո Իսրայելյանը:
Լրագրողների հարցին, թե թեկնածուն ինչպե՞ս է վերաբերում նրան, որ Առինջից միկրոավտոբուսներով ընտրողներին խմբերով բերում են ընտրատեղամաս, Կարո Իսրայելյանը նշեց, որ դա արդեն ընտրության կարգի խախտում է. «Ես ավելի վաղ ասել եմ, որ իրենք ամեն ինչի ընդունակ են և բոլոր մեխանիզմները մտածել են խախտումներ անելու համար: Երեկոյան կիմանամ, թե ով ինչքան է արել այդ խախտումները: Իմ շանսերը մեծ են քաղաքում, երբ ես իմ պաշտոնից հրաժարվեցի, նունիսկ մարդիկ կային, որոնց աչքերին արցունքներ կային: Եթե ես վերընտրվեմ, Ծառուկյանի և իր խմբի կլաններից կազատվենք, բոլորին քաղաքից կուղարկենք իրենց գյուղեր»:
