Ճապոնացիների 38 տոկոսը դժգոհ է իր արտաքինից: Դա ամենաբարձր ցուցանիշն է աշխարհում: Նման եզրահանգման են եկել գերմանացի մասնագետները՝ տեղեկացնում է Vesti.ru-ն:
Նրանք անցկացրել են գլոբալ հետազոտություն, որին մասնակցել է 22 երկրի 15-ից բարձր տարիքի ավելի քան 270 հազար մարդ:
Ճապոնիային հաջորդում են Մեծ Բրիտանիան՝ 20 տոկոս, Ռուսաստանն ու Հարավային Կորեան (19-ական տոկոս): Իրենց արտաքինից ամենից շատ գոհ են Լատինական Ամերիկայի բնակիչները:
Վարկանիշային աղյուսակի բարձր հորիզոնականներում են հայտնվել նաև Մեքսիկան, Բրազիլիան և Արգենտինան։ Այստեղ իրենց արտաքինը բարձր է գնահատել բնակիչների 60-70 տոկոսը: Մոտավորապես այդպիսի ցուցանիշներ ունեն իսպանացիները, գերմանացիներն ու թուրքերը:
