20-ամյա հոլանդացի Բոյան Սլաթին է պատկանում օվկիանոսներն ու ծովերը պլաստիկ աղբից մաքրելու հիանալի գաղափարը։ Այս հին և մասշտաբային խնդրի լուծումը, երբ տոննաներով պլաստիկ աղբ է ծածկում ջրի մակերևույթը, համարվում էր ժամանակի և աշխատանքի զուր վատնում՝ գրում է Kulturologia.ru-ն:
Բոյանը, սակայն, ձեռնամուխ է եղել այս գործին, որի կոնցեպցիան կայանում է հարթակների կառուցման մեջ՝ լողանների համակարգով։ Սրանք յուրօրինակ դարպասներ են, որոնք կորսան աղբը և հոսանքի ուժի շնորհիվ մեխանիկորեն այն դուրս կբերեն դեպի հարթակ:
Բոյանի համակարգը փորձարկվել է, որի արդյունքները ցույց են տվել, որ այս համակարգը որսում է ամբողջ աղբը՝ անկախ դրա չափից, իսկ կենդանի օրգանիզմներն իրենք կարող են խուսափել հարթակի վրա հայտնվելուց: Մաքրման այս մեթոդով 1 կգ աղբի համար պահանջվում է 4.53 եվրո:
Նախատեսվում է, որ 10 տարվա ընթացքում հարթակը կկարողանա մաքրել Խաղաղ օվկիանոսում աղբի 42 տոկոսը:
