Վրաստանի նախկին նախագահ Միխեիլ Սաակաշվիլին խոստանում է, որ նախկին վարչապետ՝ միլիարդատեր Բիձինա Իվանիշվիլին կենթարկվի իրավաբանական պատասխանատվության, իսկ նրա փողերը կվերադարձվեն վրացի ժողովրդին։
«Միակ մարդը, ով պետք է պատասխան տա, Իվանիշվիլին է… Ուկրաինայում սովորել եմ, թե ինչպես պետք է վերադարձնել փախած օլիգարխների գումարները… Իվանիշվիլիի գումարները մենք կհավաքենք Զիմբաբվեից, Ռուսաստանից, Ամերիկայից, որտեղ էլ թաքցրած լինի։ Վնասը կհաշվարկվի այն մարդկանց օրինակով, ովքեր կորցրել են իրենց աշխատանքը, վնաս, որ նրանք ստացել են արժութային ճգնաժամի պատճառով և ոչ միայն»,- հայտարարել է Սաակաշվիլին «Ռուսթավի 2»-ի եթերում։
Նրա խոսքով՝ Իվանիշվիլին բազմոցին նստած հրամաններ է տալիս ու կառավարում երկիրը և պաշտոնապես ոչ մի բանի համար պատասխանատու չէ, սակայն ստիպված կլինի իրավաբանորեն պատասխան տալ։
«Մենք անպայման կհասնենք նրան, որպեսզի փոխհատուցենք կորսված ժամանակը։ Ես կգտնեմ Իվանիշվիլիի վերջին ցենտն ու կվերադարձնեմ ժողովրդին»,- հավելել է Սաակաշվիլին։
