Այս տվյալները տարածել է ՄԱԿ-ում Իրաքի օգնությանն ուղղված Առաքելությունը: Հայտարարության մեջ ասվում է, որ մայիս ամսին ընդհանուր առմամբ զոհվել է 1031 իրաքցի, վիրավորվել` 1684-ը: Խաղաղ բնակիչների շրջանում զոհվածների թիվը 665 է, տուժածներինը`1313: Ուժայինների շրջանում կա 366 սպանված, 371 վիրավոր:
Առավել բարդ է իրավիճակը Բաղդադում և նրա շրջակայքում` 343 զոհ, 701 վիրավոր: Վիրավորների և զոհերի քանակով հաջորդը Դիյալայի շրջանն է` 134 զոհ, 88 վիրավոր:
Առաքելությունը տեղեկացրել է նաև Անբարի շրջանում մահացածների և տուժածների մասին. զոհվել է 102 մարդ, տուժել 481-ը: Սակայն նշվում է, որ այս տվյալները կարող են ճշգրիտ չլինել, որովհետև մարզային կենտրոնը ԴԱԻՇ-ի հսկողության տակ է, և այնտեղ շարունակվում են ռազմական ակտիվ գործողությունները:
ՄԱԿ-ի տվյալներով՝ ապրիլ ամսին զոհերի քանակը եղել է 812, վիրավորներինը` 1726:
