Աշխարհում սովից տառապող մարդկանց թիվը շարունակում է կրճատվել և ներկայում կազմում է 795 մլն։ Դա նշանակում է, որ մոլորակի յուրաքանչյուր 9-րդ բնակիչ տառապում է թերսնումից։ 2012-ին այդ թիվը կազմել է 870 մլն։ Նման տվյալներ են պարունակվում ՄԱԿ-ի Պարենմթերքի և գյուղատնտեսության կազմակերպության, Գյուղատնտեսության զարգացման միջազգային հիմնադրամի և Պարենմթերքի համաշխարհային ծրագրի ամենամյա զեկույցում։ Այս մասին փոխանցում է TASS գործակալությունը։
Զարգացող տարածաշրջաններում սովից տառապողների թիվը նվազել է՝ հասնելով 12.9 տոկոսի։ Այդպիսով, 129 երկրների մեծ մասը՝ 72-ը, հասնել է հազարամյակի զարգացման նպատակին, որը նախատեսում էր 1990 թվականի համեմատ մինչ 2015 թվականը սովյալների թվի կրկնակի նվազեցում։ Եթե 1990-ականների սկզբներին զարգացող երկրներում սովից տառապում էր բնակչության 23.3 տոկոսը, ապա այժմ՝ 12.9 տոկոսը։
Այդ պլանում հատուկ հաջողության են հասել Ասիայի, Լատինական Ամերիկայի և Կարիբյան ավազանի երկրները։ Աֆրիկյան երկրներում չնայած համեմատական առաջընթացին, սովի դեմ պայքարին խոչընդոտում են այնպիսի խնդիրները, ինչպիսիք են բնական աղետները, հիվանդությունները, քաղաքական անկայունությունը և զինված հակամարտությունները։
