ՆԱՏՕ-ի գեներալ Հանս-Լոտար Դոմրյոզեն՝ Բրյունսումում ՆԱՏՕ-ի միացյալ ուժերի գլխավոր հրամանատարը, հայտարարել է, որ դաշինքը անհանգստացած է ՆԱՏՕ-ի զինվորականների դեմ Ռուսաստանի կողմից միջուկային զենք կիրառելու հնարավորությամբ:
Այս մասին նա հայտարարել է Focus ամսագրին տված հարցազրույցում:
«Ռուսաստանը չի բացառում միջուկային զենքի մարտավարական կիրառման հնարավորությունը՝ որպես պատերազմ վարելու միջոց, մինչդեռ մենք՝ ոչ»,- հայտարարել է գեներալը:
Ընդ որում՝ նա նշել է, որ ռուսական ռազմական ավիացիան ակտիվացել է Ուկրաինայում հակամարտության սկսվելուց հետո: Նրա խոսքով՝ գրանցվել է օդային տարածքի նվազագույնը 300 խախտում:
Դոմրյոզեն նաև հավելել է, որ Եվրոպայում արագ արձագանքման խմբերի ստեղծման ՆԱՏՕ-ի ծրագրերը արդեն գրեթե գործնական իրագործման փուլում են:
