«Արևմտյան Եվրոպայի երկրները շարունակում են իրենց համար սպառնալիք համարել «Արևելյան գործընկերության» ծրագրի մասնակից երկրներին»,- հայտարարել է եվրոպական տնտեսական և սոցիալական հանձնաժողովի նախագահ Անդրե Մալոսը: Այս մասին հաղորդում է ria.ru-ն:
Միաժամանակ Մալոսը նշեց քաղաքական ասոցացման և տնտեսական ինտեգրման ծրագրին մասնակցող երկրներում բարդ սոցիալ-տնտեսական իրադրությունը:
«Ի՞նչն ենք անվանում եվրոպական հեռանկար, երբ մեր երկրների միջև առևտուրը լճանում է, իսկ գործազրկությունն աճում է ամենուրեք, երբ «Արևելյան գործընկերության» որոշ երկրներում տասնյակ հազարավոր երիտասարդների համար միակ եվրոպական ապագան հանդիսանում է մեկնումը Եվրոպա՝ աշխատատեղ ստանալու ակնկալիքով, ում համար դրանք գերորակավորված են: Համալսարանների դասախոսներ, ովքեր աշխատում են որպես բուֆետապաններ կամ հավաքարարներ,- ահա, դա է ամոթ»,- հայտարարեց Մալոսը:
«Արևելյան գործընկերության» ծրագիրը նախատեսում է Եվրամիության քաղաքական ասոցացում և տնտեսական ինտեգրացում Ադրբեջանի, Հայաստանի, Վրաստանի, Մոլդովայի և Ուկրաինայի հետ: Վերջին 3 երկրները անցյալ տարում համաձայնություն են ստորագրել ԵՄ-ի հետ ասոցացված համագործակցության, որոնք արդեն վավերացրել են ԵՄ-ի երկրների մեծ մասը:
