ԱՄՆ նախագահ Բարաք Օբամայի վարչակազմը հայտարարել է մեղուների ու թիթեռների պոպուլյացիայի վտանգավոր նվազմանը հակազդելու նոր ծրագրի մասին, հայտնում է BBC-ն։
Այդ միջատները վիթխարի դեր են խաղում Հյուսիսային Ամերիկայի գյուղատնտեսության մեջ։
Հաջորդ 5 տարիներին Սպիտակ տունն առաջարկում է դաշնային հողերի միլիոնավոր ակրեր դարձնել մեղուների համար առավել նպաստավոր և այդ նպատակով ֆերմերներին է կոչ անում ավելի քիչ քանակությամբ միջատասպան նյութեր կիրառել։
Ամերիկացի մեղվապահները գանգատվում են, որ հիվանդությունների ու բնապահպանական խնդիրների պատճառով մեղրատու մեղուների պոպուլյացիան երկրում կրճատվել է ավելի քան 40 տոկոսով։
