Ռուսաստանը պատրաստ է կիրառել իր զինված ուժերը նախկին ԽՍՀՄ երկրներում ընդլայնվելու համար՝ վստահ է Վրաստանի նախագահը։ Նրա խոսքով՝ եվրասիական մայրցամաքի կեսն ապրում է սպառնալիքի մշտական զգացումով։ Այս մասին Գեորգի Մարգվելաշվիլին ասել է Associated Press-ի հետ հարցազրույցում։
Նախագահի կարծիքով՝ «եթե որևէ անկայուն զարգացում դիտվի Ձեր ինքնիշխան երկրում, ապա հարևանն արագ կլուծի խնդիրը Կալաշնիկովի օգնությամբ»։ Ըստ նրա՝ 2008-ի պատերազմը Վրաստանի հետ և 2014-ին ուկրաինական Ղրիմի բռնակցումը ցույց են տալիս, որ Ռուսաստանը մտադիր է ցանկացած անկայունություն կիրառել հարևան երկրներում իր ազդեցության ոլորտն ընդլայնելու նպատակով։
«Մենք հույս ունենք, որ (Արևմուտքի կողմից) կտեսնենք ավելի կոշտ, սկզբունքային դիրքորոշում, որ դա անընդունելի է»,- ասել է Մարգվելաշվիլին։
Վրաստանի նախագահը նշել է, որ իր երկիրը մշտապես սպառնալիք է զգում Ռուսաստանի կողմից՝ կորցնելով տարածքի 20 տոկոսը՝ նախազգուշացում անելով ռուսական աճող քարոզչության վտանգի մասին։
