Ամերիկյան բժիշկների կարծիքով՝ առողջ լինելու համար երեխաները պետք է օրական ամենաքիչը մեկ ժամ ֆիզիկական վարժություններ կատարեն, որի կես ժամը ապահովում է դպրոցը, իսկ մնացած ժամանակ երեխաներն այցելում են տարբեր սպորտային խմբակների: Պարի խմբակը առաջատար տեղ է գրավում հատկապես աղջիկների մոտ: Այս մասին հաղորդում է rosbalt.ru-ն:
Ամերիկացի գիտնականները հատուկ սարքավորման միջոցով ստուգել են 5-11 տարեկան հասակի 264 աղջկա ֆիզիկական ակտիվությունը, ովքեր պարապում են 66 պարային ստուդիաներում: Արդյունքներից պարզվել է, որ պարապմունքների երեխաները միջինը 17 րոպե են անցկացնում ակտիվ ֆիզիկական վարժություններ կատարելով, իսկ մնացած մասը, որը տևում է մոտ մեկ ժամ զբաղեցնում է նախավարժանքը, երաժշտություն լսելը և հանգիստ վարժությունները:
Գիտնականներն ուսումնասիրել են 7 տեսակի պար, որոնցից ամենաքիչ ակտիվը եղել է ֆլամենկոն, որով պարապող երեխաները շարժվում են ժամանակի ընդհամենը 14 տոկոսը: Առողջության համար ամենալավ պարը համարվել է հիփ-հոփը, որի ժամանակ ֆիզիկական ակտիվության վրա ծախսվել է 57 տոկոս:
