Սպանված քաղաքական Բորիս Նեմցովի «Պուտին. Պատերազմ» զեկույցի համաձայն՝ Դոնբասում ՌԴ-ից զինվորականների աշխատավարձը կազմում է 60-90 հազար ռուբլի ու նրանց հավաքագրում են շրջանային զինկոմիսարիատներն ու վետերանների կազմակերպությունները, հայտնում է BBC-ի ռուսական ծառայությունը:
Զեկույցը Նեմցովը չհասցրեց ավարտին հասցնել: Այն ավարտեցին քաղաքական գործչի համախոհներն ու այսօր ներկայացրին հանրության դատին:
Տնտեսագետ Սերգեյ Ալեքսաշենկոյի գնահատմամբ, որը նույնպես մասնակցել է զեկույցի նախապատրաստական աշխատանքներին, կոնֆլիկտի միայն առաջին 10 ամիսներին Ռուսաստանը ուկրաինական պատերազմի վրա ծախսել է մինչև 53 մլրդ ռուբլի:
Զեկույցը պնդում է, որ 2014թ օգոստոսին Իլովայսկում ու Դոնբասի մյուս թեժ կետերում զոհվել է նվազագույնը 150 ռուս զինվոր, իսկ այս տարվա սկզբից՝ Դեբալցրա շրջանում՝ ռուսական բանակի ևս մոտ 70 զինառայող:
Զեկույցը կազմվել է բաց տեղեկությունների ու տվյալների հիման վրա, որ Նեմցովը ստացել էր զոհված զինվորների ազգականներից:
Ռուսական իշխանությունները հերքում են կադրային զինվորականների մասնակցությունն Ուկրաինայում ռազմական կոնֆլիկտին:
