Կուբայի ղեկավար Ֆիդել Կաստրոն սիրուհիների հետ ապրել է գաղտնի «երազանքի կղզում»՝ ինչպես թագավոր, գրում է The Daily Mail-ը:
Թերթը հղում է անում «Ֆիդել Կաստրոյի երկակի կյանքը. իմ 17 տարիները՝ որպես El Lider Maximo-ի անձնական թիկնապահ» գրքին, որի հեղինակն է Խուան Ռեյնալդո Սանչեսը: Այն վաճառքի է հանվելու մայիսի 12-ից:
Նշվում է, որ գաղտնի կղզին Կայո-Պյեդրա «արևադարձային դրախտն է», որտեղ Կաստրոն, իբր, ժամանակ է անցկացրել սիրուհիների, այդ թվում՝ իր սիրեցյալ Դալիա Սոտո դել Վայլե անունով կնոջ հետ:
Ինչպես նշում է թերթը, կուբացի ղեկավարը ժողովրդից թաքցրել է իր սիրավեպերն ու շքեղ կենսակերպը:
Սանչեսը անձնական թիկնապահ է աշխատել Կաստրոյի մոտ 17 տարի: Աշխատանքից հեռանալու ցանկության պատճառով նա 2 տարի ստիպված է եղել անցկացնել բանտում, իսկ հետո փախել է երկրից, ասվում է նյութում:
