Կյոկուշին կարատեի Հայաստանի հավաքականը հերթական հաջողությունն է արձանագրել: Թիմը մայիսի 1-2-ը մասնակցել է Թբիլիսիում կայացած Կովկասի ամենամյա առաջնությանը: Մեր ընտրանու կազմում 6 մարզիկ դարձել է չեմպիոն, 7 մարզիկ նվաճել է արծաթե, 8 մարզիկ՝ բրոնզե մեդալ: Մարզաձևը, որով աշխարհի 140 երկրում զբաղվում է 12 մլն մարզիկ, մասսայականություն է վայելում նաև Հայաստանում: Հավաքականն ունի 2000 սան:
Կյոկուշին կարատեի ֆեդերացիայի նախագահ Անդրանիկ Հակոբյանն «Առաջին լրատվական»-ի հետ զրույցում անդրադարձավ թիմի հաջողություններին. «Մայիսի 1-2-ին տեղի ունեցավ Կովկասի ամենամյա առաջնությունը: Մասնակցում էին Հայաստանի, Վրաստանի ու Ադրբեջանի հավաքականները: Առաջնությունն անցկացվում էր պետության հովանու ներքո: Ունեցանք 6 առաջին, 7՝ երկրորդ և 8՝ երրորդ տեղ: Օրինակ՝ նույն Ադրբեջանն ունեցավ ընդամենը 1 առաջին տեղ: Ունեցանք նաև 5 մրցամարտ Ադրբեջանի հավաքականի մարզիկների հետ: Մեր բոլոր տղաները հաղթանակած դուրս եկան:
Ա. Հակոբյանն ասաց, որ ֆեդերացիան պետական աջակցություն չի ստանում: Մարզիկները մրցաշարերի մեկնում են ֆեդերացիայի միջոցներով. «Ֆեդերացիային ոչ մի աջակցություն չի եղել պետության կողմից, բայց մենք միջազգային մրցաշարերում կարողանում ենք նման արդյունք գրանցել: Վերջերս ունեցել ենք մասնակցություն Եվրոպայի ու աշխարհի առաջնություններին: Ֆեդերացիան իր ուժերով է կազմակերպում, որպեսզի մարզիկները մասնակցեն արտասահմանյան մրցաշարերի: Կարողանում ենք միշտ բարձր տեղեր նվաճել: Ունեցել ենք Եվրոպայի 4 չեմպիոն: Աշխարհի առաջնությունում չեմպիոն, ցավոք սրտի, չունեցանք, բայց ունեցանք մրցանակակիրներ»:
Ֆեդերացիայի նախագահը մեզ հետ զրույցում օրինակ բերեց հարևան Վրաստանը, որտեղ հաջողության հասած մարզիկները պարգևատրվում են, ստանում են թաշակ, չնայած, որ մարզաձևն օլիմպիական չէ. «Օրինակ՝ Վրաստանում պետության կողմից աջակցություն կա մարզաձևին, չնայած, որ այն օլիմպիական չէ: Բացի այդ, մարզիկները պարգևատրվում են հաջողությունների պարագայում, չնայած, որ ստանում են նաև աշխատավարձ: Վրաստանի լավագույն մարզիկների նախորդ տարվա տասնյակում կար նաև կյոկուշին կարատեի ներկայացուցիչ, որը հաղթել էր Եվրոպայի առաջնությունում: Առ այսօր ֆեդերացիան փորձել է ամեն ինչ անել իր ուժերով: Քաղաքապետարանը տրամադրում է դահլիճներ, այս հարցով դժգոհություններ չունենք: Պայմանների հետ կապված պատկերը նույնն է, ֆեդերացիան ամեն ինչ անում է իր ուժերով:
Ցավն այն է, որ սպորտի նախարարությանը տեղեկացնում ենք մեր հաջողությունների մասին, բայց ոչ մի արձագանք չկա: Սպորտի նախարարությանը նաև առաջարկել եմ ներկայացնել այլ երկրների փաստաթղթեր, թե նրանք ինչ որակավորում են տալիս մարզիկներին: Բայց, ինչպես հասկացա, նրանց միայն օլիմպիական մարզաձևերն են հետաքրքրում»:
Անդրանիկ Հակոբյանն ընդգծեց, որ առաջիկա մրցաշարերին թիմի մասնակցությունը կախված է ֆինանսական պայմաններից. «Ոչ՛ մեծահասակների, ոչ՛ պատանիների պարագայում ոչ մի ուշադրություն չկա: Այդ մարզիկները երկիր են ներկայացրել, դրոշ բարձրացրել, հաղթել լուրջ, ոչ թե ինչ-որ պատահական մրցումներում: Կարելի է գոնե սովորական շնորհակալություն հայտնել, որպեսզի մարզիկը գնահատված զգա, հասկանա, որ պետությունը գնահատում է: Մոտ 2000 սան ունենք, որոնք սպորտով են զբաղվում, փողոցից կտրվում են, դաստիարակվում են:
Սպորտի նախարարությանն անընդհատ տեղեկացնում ենք մեր հաջողությունների մասին, բայց ոչ մի պատասխան: Գոնե հրավիրեն, ասեն շնորհակալ ենք: Ունենալու ենք ուսումնամարզական հավաքներ, մեծահասակների աշխարհի առաջնություն, միջազգային մրցաշարեր, որոնց մեր մասնակցությունը կախված է ֆինանսական պայմաններից: Աշխարհի առաջնությունը լինելու է Ռուսաստանում՝ Խաբարովսկ քաղաքում»:
<img style=”-webkit-user-select: none; cursor: zoom-in;” src=”http://kyokushin.am/wp-content/gallery/caucasus-championship-2015/image-03-05-15-12-16-8.jpg” width=”489″ height=”367″>
<img style=”-webkit-user-select: none; cursor: zoom-in;” src=”http://kyokushin.am/wp-content/gallery/caucasus-championship-2015/image-03-05-15-12-20-1.jpg” width=”489″ height=”367″>
<img style=”-webkit-user-select: none; cursor: zoom-in;” src=”http://kyokushin.am/wp-content/gallery/caucasus-championship-2015/image-03-05-15-12-20-2.jpg” width=”489″ height=”367″>
<img style=”-webkit-user-select: none; cursor: zoom-in;” src=”http://kyokushin.am/wp-content/gallery/caucasus-championship-2015/image-03-05-15-12-20-20.jpg” width=”489″ height=”367″>
<img style=”-webkit-user-select: none; cursor: zoom-in;” src=”http://kyokushin.am/wp-content/gallery/caucasus-championship-2015/image-03-05-15-12-20-9.jpg” width=”489″ height=”367″>
