Ավստրալիայի կառավարությունը՝ վարչապետ Թոնի Էբոթի գլխավորությամբ, որպես նվեր Մեծ Բրիտանիյաի արքայազն Ուիլյամի ու դքսուհի Քեթրինի նորածին դստեր՝ 7.8 հազար դոլար կնվիրաբերի Վիկտորյա նահանգի արգելոցին՝ լեռնային պարկամկների ուսումնասիրության նպատակով։ Այս մասին հայտնում է AFP-ն:
«Լեռնային պարկամուկը Ավստրալիայում միակ պարկավոր կենդանին է, որը ձմռանը քուն է մտնում: Վայրի բնության մեջ մնացել է ընդամենը մոտ 2000 պարկամուկ»,- նշել է Էբոթը:
«Հուսով եմ՝ մի օր արքայադուստրը կկարողանա գալ Ավստրալիա ու իր ձեռքում պարկամուկ պահել»,- ասել է նա:
Այդ փոքրիկ պարկավոր կենդանիները կարող են տեղավորվել ձեռքի ափի մեջ ու կշռում են մոտ 45 գրամ։ Դրանք համարվում են ամենահազվագյուտ պարկավոր կաթնասունները:
