1996 թվականից գոյություն ունեցող Hotmail փոստային ծառայությունը կփակվի այս տարվա ամռանը: Այդ մասին պաշտոնապես հայտարարել է ծառայության սեփականատեր հանդիսացող Microsoft ընկերությունը: Այս մասին հայտնում է NBC-ն:
Նման որոշման պատճառը outlook.com ծառայության բուռն աճն է, որում վերջին կես տարում գրանցվել է 60 մլն օգտատեր: Հին դիզայնի պահպանմամբ՝ գովազդային արշավի միջոցով Hotmail-ը վերակենդանացնելու բոլոր փորձերը անհաջողությամբ են ավարտվել:
Ընկերությունում նշում են, որ Hotmail փոստի օգտատերերը կարող են կիրառել հին հասցեն outlook.com-ում այնքան ժամանակ, որքան ցանկանում են:
Microsoft-ում կարծում են, որ ընկերության փոստային ծառայության աշխատանքում փոփոխությունը թույլ կտա հրապուրել մարդկանց՝ շեղելով մրցակից Gmail ծառայությունից:
Սպասվում է, որ մոտ ժամանակներս Microsoft-ը մեծ միջոցներ կծախսի՝ օգտատերերին փոփոխությունների էությունը բացատրելու և նոր ծառայությունը գովազդելու համար:
