Կահիրեում անցկացվել է աշխարհիկ և իսլամական կուսակցությունների ներկայացուցիչների դռնփակ հանդիպումը, որին մասնակցել են առաջադեմ ընդդիմադիր լիբերալ կուսակցության՝«Փրկության ազգային ճակատի» ղեկավար Մուհամմադ Ալ-Բարադեյը, նրա օգնական Սայիդ Ալ-Բադավին և «Մուսուլման եղբայրների» քաղաքական թևը հանդիսացող «Ազատություն և արդարություն» կուսակցության ղեկավար Սաադ Ալ-Կատատնին: Այս մասին հայտնում է Reuters գործակալությունը:
Ավելի վաղ «Փրկության ազգային ճակատի» ներկայացուցիչները հրապարակավ հերքել էին իսլամիստներ հետ բանակցությունների հնարավորությունը:
Բանակցությունների ելքի մասին չի հաղորդվում: Հունվարի վերջից Եգիպտոսում փողոցային բախումներում զոհվել է ավելի քան 60 մարդ: «Փրկության ազգային ճակատը» կոչ էր արել Մուրսիին քրեական պատասխանատվության ենթարկել ռազմական հանցագործությունների համար:
