IEEE International Conference on Acoustics, Speech and Signal Processing համաժողովում, որը կանցկացվի ապրիլի 19-24-ը Ավստրալիայում, Disney ընկերության մասնագետները պատրաստվում են ներկայացնել նոր տեխնոլոգիա` ֆիլմերի ավելի որակյալ հնչունավորման համար:
Երբ հանդիսատեսը նայում է ֆիլմերը, որոնք թարգմանվել են այլ լեզվով, հաճախ նկատում են, որ դերասանների շուրթերի շարժումները չեն համընկնում կրկնօրինակող դերասանի խոսքերի հետ: Հետազոտողները հայտարարում են, որ նման չհամընկնումներն աննշան են, սակայն, ընդհանուր առմամբ, նվազեցնում են ֆիլմից ստացած տպավորությունը:
Disney-ը պատրաստվում է ներկայացնել ծրագիր, որը կօգնի ֆիլմերի թարգմանիչներին չհամընկնումներն առավել աննկատ դարձնել:
Ծրագիրն ավտոմատ կերպով որոնում է բառի կամ արտահայտության այն տարբերակը, որի ընթացքում դերասանի շուրթերի շարժումն առավել կնմանվի օրիգինալին:
