Google-ը կներդնի բջջային սարքերի համար որոնման արդյունքների դասակարգման նոր կանոններ։ Նորարարությունները կարող են բացասաբար ազդել որոշ կայքերի, այդ թվում՝ ԵՄ պետական մարմինների կայքերի էջերի ինդեքսավորման վրա։ Այս մասին գրում է Financial Times-ը։
Նորարարությունների էությունն այն է, որ Google-ում որոնում կատարելիս առաջնահերթություն կտրվի այն էջերին, որոնք լավագույնս են արտացոլվում սմարթֆոններում։
Ստուգելու համար, թե որքանով է այս կամ այն կայքը հարմարեցված սմարթֆոնների էկրաններին, Google-ը մշակել է Moblie-Friendly Test անվանումով հատուկ գործիքը։
Ինչպես ցույց է տվել Somo մարկետինգային գործակալության հետազոտությունը, այնպիսի ընկերությունների էջերը, ինչպիսիք են Windows Phone-ը (Microsoft), Versace-ն, Nintendo-ն, Danone-ը, բջջային սարքերի վրա ոչ ճիշտ են արտացոլվում։
