Dropbox-ը նոր ծառայություն ունի, որը կոչվել է Project Composer՝ հայտնում է hitech.vesti.ru-ն: Այն հնարավորություն կտա տեքստային նշումներ կատարել, գործերի և առաջադրանքների ցուցակ ստեղծել և դրանք համաժամանակեցնել օրացույցի հետ: Նշումներին հնարավոր կլինի կցել Dropbox-ում պահվող ֆայլերը, հասանելի կլինի նաև փաստաթղթերի հետ համատեղ աշխատանքը:
Ներկայումս ծառայությունը բետա-փորձարկման փուլում է: Դրան հասանելիություն ունեն միայն «ամպային» բազայի որոշ օգտատերեր: Dropbox-ում նշում են, որ առայժմ չեն որոշել՝ նոր գործառույթը կինտեգրվի՞ ծառայության վերջնական տարբերակում, թե՞ ոչ:
«Մենք ուզում ենք, որ մարդիկ օգտվեն Composer-ից և մեզ իրենց արձագանքները տրամադրեն: Հնարավոր է՝ պարզվի, որ ապրանքը մարդկանց դուր չի եկել»,- նշել է Dropbox-ի արտադրական մենեջեր Իլյա Ֆուշմանը:
