Հետաքննությունների դաշնային բյուրոյի աշխատակիցները 13 տարվա մեջ առաջին անգամ ֆիզիկական պատրաստվածության թեստ կհանձնեն, այս մասին ասվում է կազմակերպության տնօրեն Ջեյմս Քոմիի ծառայողական հեռագրում, որը հայտնվել է New York Times-ի լրագրողների ձեռքին։
«ՀՖԲ-ի աշխատակիցները սովորական ամերիկացիների համար այդ երկրում ամեն լավ ու ճիշտ բանի խորհրդանիշներն են։ Ես ցանկանում եմ, որ դուք ներկայանաք որպես այդ հարգանքին արժանի լավ պատրաստված օբյեկտներ։ Ես ցանկանում եմ, որ ամերիկացի ժողովուրդը, ձեզ մի հայացք նետելով, մտածի՝ ահա ՀՖԲ-ի հատուկ գործակալը»,- ասվում է փաստաթղթում։ Ինքը՝ 54-ամյա Քոմին, ազատված կլինի անհրաժեշտ փորձություններից, քանի որ չի համարվում գործակալ, նշվում է հրատարակության եջ։
Թերթը կազմակերպության աշխատակիցների ֆիզիկական պատրաստվածության ստուգումը համարում է վերադարձ ավանդույթներին, որոնք սահմանել էր ՀՖԲ-ի առաջին ղեկավար Ջ. Էդգար Հուվերը, որը մեծ նշանակություն էր տալիս իր ենթակաների քաշին և սեփական կազմվածքին։
Հիմնադրումից համարյա 100 տարի անց իրավապահ մարմնի գործակալները պիտի հանձնեն 4 քննություն։ Հաստատված նորմատիվները կախված են նրանց տարիքից և սեռից։
