Կուլտային ռեժիսոր Դևիդ Լինչը չի նկարի «Թվին Փիքս» (Twin Peaks) սերիալի շարունակությունը:
Անցած հոկտեմբերին Դևիդ Լինչը հայտարարեց, որ կնկարահանի 1990-ականներին ամերիկյան առավել հաջողված հեռուստասերիալներից մեկը: Ենթադրվում էր, որ Լինչը կնկարի 9 էպիզոդ:
«1 տարի 4 ամիս տևած բանակցություններից հետո ես հեռացա, քանի որ առաջարկվել էին անբավարար քանակությամբ գումարային միջոցներ այդ սցենարը գրելու համար, որը, ինչպես ես էի կարծում, անհրաժեշտ էր գրել»,- գրել է Լինչը Twitter-ի իր միկրոբլոգում:
Նա հավելել է, որ սկսել է զանգել դերասաններին՝ հայտնելով նորությունը այն մասին, որ ինքը չի մասնակցում նկարահանումներին:
««Թվին Փիքսը» դեռևս կարող է կյանք ստանալ Showtime հեռուստաալիքում»,- հավելել է ռեժիսորը:
Twin Peaks-ը հեռարձակվել է 1990-1991թթ., այն թրիլեր է՝ միստիկայի տարրերով:
