ԱՄՆ-ի տրանսպորտի նախարարությունը փակել է ընկերությունը, որի ավտոբուսը վթարի է ենթարկվել, ինչի հետևանքով մահացել է ութ մարդ,- հաղորդում է Bloomberg-ը:
Իշխանությունները պարզել են, որ Scapadas Magicas LLC կալիֆոռնիական ընկերությունն իր մեքենաները պահել է ոչ պատշաճ վիճակում: Մասնավորապես, վթարի ենթարկված ավտոբուսը շահագործումից հանվել է 2012 թ. ընթացքում: Մայիսին ստուգումների ընթացքում անսարքություններ են եղել անիվների հետ կապված, իսկ հուլիսին վնասված է եղել նաև ճակատային ապակին:
Բացի այդ, վթարից առաջ վարորդը հաղորդել է արգելակների անսարքության մասին, իսկ ուղևորների խոսքերով՝ ավտոբուսից ծուխ է բարձրացել: Ընդհանուր առմամբ, ընկերությունն ունեցել է երեք ավտոբուս, մյուս երկուսը նույնպես չեն համապատասխանում անվտանգության պահանջներին:
Հիշեցնենք, որ վթարը տեղի է ունեցել փետրվարի 3-ին լեռնային ճանապարհի վրա՝ Լոս Անջելեսից 130 կմ արևելք: Վթարի հետևանքով զոհվել է ութ, վիրավորվել շուրջ 40 մարդ:
