ԱԺ նախկին փոխխոսնակ,նախկին քաղբանտարկյալ Կարապետ Ռուբինյանը Facebook-ի իր էջում գրել է.
«Արամ Հարությունյանը ստախոս է:
Փետրվարի 8-ին ես մասնակցել եմ Ֆեյսբուքի միջոցով կազմակերպված «Վե՜րջ ռեժիմին» բողոքի ակցիային, որի սկիզբը, ինչպես գիտեք, նախատեսված էր Կենտրոնական ընտրական հանձնաժողովի մոտից:
ԿԸՀ շենքին մոտենալիս, մոտ 20 մետր հեռավորությունից, ի պատասխան իր ողջույնի, գլխի թեթև շարժումով ողջունել եմ այդ սուբյեկտին: Այլ բան, առավել ևս խոսակցություն նրա հետ կամ որևէ բանի համար շնորհակալություն հայտնել չի եղել` լկտի սուտ է»:
Հիշեցնենք, որ ՀՀ նախագահի ինքնաբացարկ հայտարարած թեկնածուն՝ Արամ Հարությունյանը, երեկ լրագրողներին հայտնել էր, որ իր պահվածքի համար շատերն են մոտեցել ու շնորհակալություն են հայտնել համակիրներից մինչև քաղաքական գործիչներ՝ Գուրգեն Եղիազարյան, Կարապետ Ռուբինյան, Արշակ Սադոյան, Սպարտակ Սեյրանյան»:
Սակայն Սպարտակ Սեյրանյանը «Առավոտին» հայտնել էր, թե պատահաբար է անցել ԿԸՀ մոտով ու, տեսնելով հացադուլավորին ուղակի մոտեցել է:
