Սիրիայի կառավարական զորքերը հակահարձակման են անցել Դամասկոսի ծայրամասերում: Այս մասին հաղորդում է Agence France-Presse-ը՝ վկայակոչելով տեղի ականտես բնակիչներին:
Ավիացիան և հրետանին արևմուտքից, հարավից և արևելքից անդադար հարվածներ են հասցնում այսպես կոչված Շրջանաձև ավտոճանապարհի ընդդիամդիրների դիրքերին: Երկու օր առաջ զինված ընդդիմությունը կարողացել էր ոչնչացնել կամ վերահսկել այդ ճանապարհին տեղակայված բոլոր անցակետերը:
Դաժան մարտեր են ընթանում նաև Ջոբար թաղամասի վերահսկողության համար, որը գտնվում է Աբբասյանների հրապարակի մոտ: Այնտեղ է գտնվում նաև կառավարական զորքերի հիմնական բազաներից մեկը:
Տեղի բնակիչների գնահատմամբ՝ վերջին օրերին բախումների ինտենսիվությունն էականորեն մեծացել է: Բնակիչներից մեկը գործակալությանը տված հարցազրույցի ժամանակ ասել է. «Սա խելահեղություն է: Նրանք բոլորը խելագարվել են»:
Փետրվարի 6-ին Սիրիայի ընդդիմադիրները լայնածավալ հարձակում էին սկսել երկրի մայրաքաղաք Դամասկոսի դեմ: Այդ գործողության ընթացքում նրանց հաջողվել է վերահսկողություն հաստատել մայրքաղաքի արևելյան և հարավային արվարձանների վրա:
