Կալիֆոռնիայի ոստիկանությունը ուժեղ պահպանության տակ է վերցրել ավելի քան 40 աշխատակիցների՝ կապված նախկին ոստիկանի կողմից գործընկերների վրա իրականացվող հարձակումներով: 33-ամյա Քրիստոֆեր Ջորդան Դորներին կասկածում են երեք մարդու սպանության և երկու սպայի վնասվածք հասցնելու մեջ:
Դորները 11 էջանոց մանիֆեստ է ուղարկել ոստիկանություն: Նրանում նախկին ոստիկանը նախազգուշացրել է վրեժխնդրության իր պլանների մասին: «Ես հնարավորություն չեմ ունեցել ստեղծել իմ ընտանիքը: Կկործանեմ ձերը»,- այսպիսի բառերով է սպառնացել Դորները, փոխանցում է CNN-ը: Նա հայտարարել է, որ հեռացումը կործանել է իր կյանքը՝ զրկելով սիրելի աշխատանքից:
Առաջին կրակոցները հնչել են փետրվարի 7-ին Կալիֆոռնիայի Կորոնա քաղաքում: Զոհվել է մեկ ոստիկան, երկուսը վիրավորել են:
Ոստիկանությունը նրան կասկածում է նաև ոստիկանության թոշակառու կապիտանի դստեր միջոցով վրեժ լուծելու մեջ. աղջիկը փեսացուի հետ սպանվել էր դեռևս կիրակի, ավտատնակում կայանած մեքենայում:
Սան Բեռնարդինոյում հանցագործի դեմ ուղղված օպերացիա է անցկացվում: Օպերացիայում ներգրավված են հատուկ ծառայությունների 1000-ից ավելի աշխատակիցներ: Ոստիկանության ներկայացուցիչների խոսքով՝ հանցագործը լավ զինված է և շատ վտանգավոր:
