ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ «Ուկրաինայի արևելքում հրադադարը փխրուն է, բայց կարևորը՝ այն պահպանվում է»։ Նա հավելել է, որ «ՆԱՏՕ-ն անմիջական սպառնալիք չի տեսնում, բայց փորձում է կանխել միջադեպերը»։ Նա ընդգծել է, որ կոնֆլիկտի կողմերը պիտի դուրս բերեն ծանր զենքը և թույլ տան, որ ԵԱՀԿ-ն աշխատի։ Ստոլտենբերգի խոսքով՝ Ռուսաստանի Դաշնությունը դեռ ներկա է Ուկրաինայի արևելքում. «Սահմանները բաց են, այնպես որ մի կողմից մյուսն անցնելը հեշտ է»։
Ռուսաստանին մեկ անգամ չէ, որ մեղադրել են Ուկրաինայի հարավ-արևելքում տեղի ունեցող հաամարտությանը խառնվելու համար։ Մոսկվան դա կտրականապես ժխտում է և նման մեղադրանքները համարում անընդունելի։ Մոսկվան մի քանի անգամ խնդրել է Արևմուտքին ապացույցներ ներկայացնել իր զորքերի՝ Ուկրաինայի արևելքում առկայության վերաբերյալ, բայց դրանք այդպես էլ չեն ներկայացվել։
Պատասխանելով Ուկրաինայի արևելքում ՆԱՏՕ-ի ուժերի ամրապնդման մասին հարցին՝ Ստոլտենբերգը հայտարարել է, որ «անմիջական սպառնալիք չի տեսնում, բայց փորձում են կանխել միջադեպերը»։ «Երբ տեսնում ես ռուսական ներկայության մեծացումը և հանկարծակի զորավարժությունները, ցանկացած չհասկացվածություն կարող է իրավիճակը հանել վերահսկողությունից ։ Մեր գործողությունները նվազեցնում են ներխուժման վտանգը, բայց նրանք պաշտպանողական և համամասնական են։ Մեր ռազմական ներկայության մեծացումն այնտեղ պատասխանն է այն բանին, ինչ անում է Ռուսաստանը»,-հայտարարել է ՆԱՏՕ-ի գլխավոր քարտուղարը։
Պատասխանելով Կիևին զենքի մատակարարման մասին հարցին՝ նա հայտարարել է, որ «դա կախված է ամեն մի երկրից, բայց Ուկրաինան պաշտպանվելու իրավունք ունի»։
