Բենեդիկտ Քամբերբեթչն ու նրա կինը՝ Սոֆի Հանթերը, այցելել են Բուքինգհեմյան պալատ՝ բարեգործական երեկոյի, որը կազմակերպել էր արքայադուստր Աննան՝ ի պատիվ շարժողական նեյրոնների հիվանդության դեմ պայքարի ասոցիացիայի (MNDA):
Պատվավոր հյուրերի թվում էին հայտնի գիտնական Սթիվեն Հոքինգը ու նրա նախկին կինը՝ Ջեյն Հոքինգը, որը գրել է «Ճանապարհորդություն դեպի տիեզերք. Իմ կյանքը Սթիվենի հետ» գիրքը, որի հիման վրա էլ նկարահանվել էր «Սթիվեն Հոքինգի տիեզերքը» ֆիլմը:
Դերասանը միջոցառման ընթացքում նշել է, որ հպարտանում է այդ հիվանդության դեմ պայքարում ունեցած ավանդով: Քամբերբեթչը MNDA-ի հովանավոր էր դարձել 2003-ին՝ խաղալով BBC-ի նկարահանած՝ հայտնի ֆիզիկոսի կյանքի մասին հեռուստաֆիլմում:
