Թաիլանդի նախկին արքայադուստր Սրիրասմիի ծնողները դատապարտվել են 30 ամսվա ազատազրկման: Աֆիրութ և Վանթանի Սուադիները մեղավոր են ճանաչվել թագավորական ընտանիքի հասցեին զրպարտության համար՝ հայտնում է Agence France-Presse-ը:
Դատի ժամանակ արքայադստեր ծնողներն իրենց մեղավոր են ճանաչել միապետության հասցեին զրպարտության և թագավորական ընտանիքին վիրավորելու մեջ, նաև այն բանում, որ պաշտոնյաներին խնդրել են կեղծ մեղադրանքներ առաջադրել 2003թ.:
«Դատարանը դատավճիռ է կայացրել միապետությանը վիրավորելու համար 2 մեղադրյալների համար և նրանց դատապարտել 5 տարվա ազատազրկման: Քանի որ նրանք խոստովանել են մեղքը, դատավորը պատժաժամկետները կրկնակի կրճատել է՝ մինչև 2 տարի 6 ամսվա առանց փորձնական ժամկետի»,- ասվում է դատարանի վճռի տեքստում:
Սրիրասմի արքայադուստրը կամավոր հրաժարվել է թագավորական տիտղոսից 2014թ. դեկտեմբերին: Նա այդ քայլին դիմել է աղմկոտ կոռուպցիոն սկանդալից հետո, որում ներգրավված են եղել իր ընտանիքի անդամները: Ավելի վաղ արքայադստեր 3 հարազատները ձերբակալվել են և մեղադրվել կոռուպցիայի համար:
Սրիրասմիի ընտանիքի առնվազն 8 անդամները՝ ավագ քույրը, փեսան, 2 եղբայրները և զարմիկը, ներկայումս դատապարտված են միապետությանը վիրավորելու համար:
Սրիրասմիի ծնողների դեմ գործը հարուցվել է նրանց նախկին հարևանուհու բողոքից հետո: Կինը 18 ամսով ազատազրկվել է մեքենայության համար կեղծ մեղադրանքով, որ ներկայացրել են միապետական անձինք:
