Սիրիայի նախագահ Բաշար Ասադի խոսքով՝ Սիրիային և Հյուսիսային Կորեային հատկացվող ուշադրությունը բացատրվում է նրանով, որ այդ երկու երկրներն «իսկապես անկախ են»: Այս մասին հայտնում է SANA գործակալությունը:
Հաղորդվում է, որ կիրակի օրն ընդունելով պատվիրակությանը Փխենյանից՝ Ասադը նշել է, որ «Սիրիան և Հյուսիսային Կորեան հարձակումների են ենթարկվում, որովհետև այն փոքրաթիվ երկրների թվում են, որոնք իսկապես անկախ են…»:
Սիրիան այն փոքրաթիվ երկրներից է, որոնք դեսպանատուն ունեն Փխենյանում:
Հյուսիսային կորեայի առաջնորդ Կիմ Չեն Ինը փոքրաթիվ համաշխարհային ղեկավարներից է եղել, որոնք 2014 թ. Բաշար Ասադին պաշտոնապես շնորհավորել են Սիրիայի նախագահ վերընտրվելու կապակցությամբ:
Միջազգային հասարակության զգալի մասը երկու երկրներին սուր քննադատության է ենթարկում մարդու իրավունքների խախտումների համար:
Անցած տարի ՄԱԿ-ը Հյուսիսային Կորեայի վերաբերյալ զեկույց է հրապարակել, որում նշվում է, որ Փխենյանը քաղաքականություն է վարում, որի հետևանքը «մարդկության նկատմամբ մեծաթիվ հանցագործությունների» իրագործումն է:
Փետրվարին ՄԱԿ-ը մեկ այլ զեկույց է հրապարակել, որում ընդգծվում է, որ Սիրիայի իշխանությունները «շարունակում են կոպիտ խախտումներ և հանցագործություններ իրագործել՝ պայմանավորված երկրի քաղաքականությամբ»:
