Մադոննան մտադիր է օգոստոսին սկսել իր համաշխարհային նոր շրջագայությունը, որի շրջանակներում համերգներ կտա Եվրոպայի, Հյուսիսային Ամերիկայի, ինչպես նաև Ասիայի և Ավստրալիայի 35 քաղաքներում, հաղորդում է RIA Novosti-ն:
Աստղը, որը օգոստոսին 57 տարեկան կդառնա, ներկա պահին ավարտում է Rebel Heart 13-րդ ալբոմի վրա աշխատանքները: Դրա թողարկումը Բրիտանիայում նշանակված է մարտի 9-ին: Նույն օրը կսկսեն վաճառվել համերգների տոմսերը շրջագայության, որը նույնպես ստացել է Rebel Heart անվանումը:
2012 թ. կայացած Մադոննայի վերջին շրջագայությունը նրան 300 միլիոն դոլար է բերել:
Այս շրջագայությունը կսկսվի օգոստոսի 29-ին Մայամիում: Սեպտեմբեր-հոկտեմբեր ամիսներին երգչուհին ելույթներ կունենա Հյուսիսայի Ամերիկայում, նոյեմբերին՝ Եվրոպայում, որտեղ հանդես կգա Փարիզում, Քյոլնում, Պրահայում, Բարսելոնում, Անտվերպենում:
Բրիտանիայում, որի քաղաքացիությունը ամերիկացի երգչուհին ստացել է 2000-ականներին, Մադոննան հանդես կգա դեկտեմբերին: Մասնավորապես՝ համերգներ են նշանակված Լոնդոնում, Բիրմինգհեմում, Մանչեսթերում և Գլազգոյում:
