Apple ամերիկյան կորպորացիան պատրաստվում է սեփական էլեկտրամոբիլների արտադրությունը սկսել 2020 թվականին։ Այս մասին հայտնում է Bloomberg-ը։ Այսպիսով՝ սմարթֆոնների արտադրության համաշխարհային առաջնորդը կարող է մրցակցել շուկայի ներկայիս առաջատարներ Tesla Motors-ի ու General Motors-ի հետ։
Apple-ում տեղեկությունը չեն մեկնաբանել։ Ավելի վաղ հաղորդվել էր, որ ընկերությունը վարձել է ավտոտեխնոլոգիաների ոլորտի փորձագետների՝ գաղտնի լաբորատորիայում փորձարկումների անցկացման համար։
Մինչ Titan աշխատանքային անվանումով սեփական էլեկտրամոբիլի մասին շշուկների հայտնվելը՝ վերլուծաբանները կարծում էին, որ մեդիահսկան փորձում է ձեռք բերել Tesla ընկերությունը։
