Քեմբրիջի դքսուհի Քեթրինը, ով հղիության 7-րդ ամսում է, այցելել է Սթոք-օն-Թրենթ քաղաք, որտեղ եղել է կերամիկայի պատրաստման ֆաբրիկայում: Արքայազն Ուիլյամի կինը կրել է ծաղկավոր պրինտով զգեստ և կապույտ վերարկու: Իր կերպարը նա ամբողջացրել է կապույտ Jimmy Choo բարձրակրունկներով՝ հայտնում է 7days.ru-ն:
Ֆաբրիկայում Քեյթը ոչ միայն հետևել է սպասքի պատրաստմանը, այլև մասնակցել պատրաստի արտադրանքի նկարազարդման աշխատանքին: Իրեն դուր եկած իրերը դքսուհին ձեռք է բերել Անմեր-Հոլ առանձնատան իր խոհանոցի համար: Իսկ սպասքը, որը զարդարել է Քեյթ Միդլթոնը, կվաճառվի բարեգործական աճուրդում: Վաճառքից գոյացած գումարը կուղղվի ծանր հիվանդ երեխաների օգնությանը:
