Չինաստանի իշխանությունները Հարավչինական ծովում գտնվող Սպարտլի կղզեխմբի շրջանում նոր կղզի են կառուցում: Այս մասին հաղորդում է CNN-ը:
Համաձայն հետազոտության` Չինաստանի իշխանությունները մի քանի ամսվա ընթացքում` 2014-ի օգոստոսի 7-ից մինչև 2015-ի հունվարի 30-ը, մի կղզի են կառուցել:
«Այն, ինչը նախկինում բաղկացած էր մի քանի բետոնե հարթակներից, այժմ իսկական կղզու է վերածվել` ուղղաթիռների համար նախատեսված հրապարակներով, օդանավակայանով և մեծ թվով զինվորներ տեղավորելու ունակ շինություններով»,- ասվում է հաղորդագրությունում:
