Ամերիկյան Lamb of God խմբի վոկալիստ Ռենդի Բլայթը հաջորդ շաբաթ Պրահայում կկանգնի դատարանի առջև, 2010թ. կատարած չկանխամտածված սպանության գործով, երբ նա բեմից պատահաբար ցած է նետել իր վրա հարձակված 19-ամյա երկրպագուին: Այս մասին հաղորդում է Agence France Presse
գործակալությունը:
Երիտասարդը ստացված վնասվածքների պատճառով մահացել է 2 շաբաթ անց: Բժշկական փորձաքննությունը ցույց է տվել, որ երկրպագուն ալկոհոլի կամ թմրանյութերի ազդեցության տակ չի եղել:
«Մեղադրող կողմը կատարվածը որակավորում է որպես մահվան պատճառ հանդիսացող ծեծկռտուքի արդյունք»,- ասել է երաժշտի փաստաբան Յաբլոնսկին:
Անցյալ տարի հունիսին Չեխիայի ոստիկանությունը Բլայթին ձերբակալեց հենց Պրահայի օդանավակայանում: Օգոստոսին նրան ազատ արձակեցին 321 հազար դոլար գրավի դիմաց:
