Պաղեստինցի գյուղացիները նախաձեռնում են դատական հայց ներկայացնել իսրայելցի զինվորականների դեմ՝ զորավարժությունների անցկացման համար, որոնք զգալիորեն վնասել են իրենց գյուղատնտեսական նշանակության հողատարածքներն ու արոտավայրերը: Այս մասին հայտնում է Press TV-ն:
Մի խումբ գյուղացիներ հեռուստաալիքին պատմել են, որ իսրայելական ուժերը մեկշաբաթյա մանևրումներ են անցկացրել օկուպացված Արևմտյան ափի Ալ-Խալիլ քաղաքին կից գյուղերի մոտ:
Պաղեստինցի գյուղացիների վրդովմունքն է հարուցել նաև այն, որ իսրայելական ուժերը վարժանքներն անցկացել են առանց նախապես զգուշացնելու: Տեղեկություններ կան այն մասին, որ վարժանքների ժամանակ գյուղացիները տարհանվել են:
Իրավապաշտպան խմբերը գործը փոխանցել են դատարան, երբ վարժանքները դադարեցնելու կոչերն ու պաղեստինցի գյուղացիներին փոխհատուցելու կոչերն արհամարհվել են:
