Սիրիայի ռազմական կենտրոնում, որը նախօրեին հարձակման է ենթարկվել Իսրայելի օդուժի կողմից, կարող է քիմիական զենք լինել: Այս մասին հաղորդում է Reuters գործակալությունը՝ վկայակոչելով իր դիվանագիտական աղբյուրներին:
Գործակալության տվյաներով՝ Ջամրայայում (Դամասկոսի և Լիբանանի սահմանի միջև) ենթադրաբար պահվում է քիմիական զենք, և հավանական է, որ շարասյունը գտնվել է այդ օբյեկտի մոտ, երբ Իսրայելի օդուժը հարվածել է դրան:
Դրա հետ մեկտեղ, աղբյուրները բացառում են, որ քիմիական զենքը կարող էր տեղափոխվել շարասյան ավտոմեքենաներով:
Գործակալութայն արևմտյան աղբյուրներից մեկի տվյալներով՝ Իսրայելի օդուժի հարվածի թիրախը եղել է Լիբանան մեկնող զինամթերքով լի բեռնատարը, որում, մասնավորապես, եղել են հրթիռներ և զենիթային համալիրներ:
ԱՄՆ-ում այլ աղբյուրներ հաստատել են, որ օդուժը հարվածել է ավտոշարասյանը, որը, Իսրայելի կարծիքով կարող էր զենք տեղափոխել օդային թիրախները ոչնչացնելու համար:
Հիշեցնենք, որ Սիրիայի զինված ուժերի հրամանատարությունը հաղորդել է այն մասին, որ հունվարի 30-ին Իսրայելի օդուժը հարվածել է Դամասկոսի արվարձանում գտնվող ռազմական հետազոտական կենտրոնին:
