Չնայած շատ հայտնիներ նախկինի պես նախընտրում են կարմիր գորգերին բաց դեկոլտե ունեցող զգեստներով հայտնվել, աստղային նոր միտում է ի հայտ գալիս, որոնք սեքսուալ զգեստների կողքին բավական համեստ են թվում, գրում է elle.ru-ն:
Զարմանալի է, որ նույնիսկ Ռիտա Օրան չի կարողացել դիմակայել և հրաժարվել է բաց զգեստներից՝ Grammy մրցանակաբաշխության արարողությանը հայտնվելով երկար թևքերով և բարձր օձիքով զգեստով: Prada-ի զգեստն ամբողջովին պատված է եղել փայլերով:
Նույն արարողությանը Քեթի Փերին հայտնվել է ոչ միայն հյուրի կարգավիճակում, այլև բեմի վրա կատարել է իր հերթական հիթը: Երգչուհին հանդիսատեսին ներկայացել է Valentino-ի բարձր օձիքով զգեստով:
Իսկ ահա Ֆելիսիթի Ջոնսը վերջին բոլոր արարողություններին բարձր օձիքով զգեստներով է ներկայանում:
Նիքոլ Քիդմանը, Grammy-ի համար զգեստ ընտրելով, ղեկավարվել է դասական օրենքով՝ եթե ցուցադրում ես ոտքերդ, ապա կուրծքը պետք է փակ լինի: Արդյունքում դերասանուհին կանգ է առել Mugler-ի սև զգեստի վրա:
Ջուլիանա Մուրը նույնպես կարճ մոդել է կրել՝ Saint Laurent-ի զգեստն ամբողջովին բյուրեղներով է պատված: Դերասանուհին այն կրել է մուգ զուգագուլպաների հետ՝ ներկայացնելով total black-ի իր տարբերակը:
Ռոզամունդ Փայքը ևս անտարբեր չէ նոր միտումի հանդեպ: Դերասանուհին ընտրել է Louis Vuitton-ի երկնագույն զգեստը, որի օձիքին սև կաշվե ժապավեն կա:
Միշել Ուիլյամսը նույնպես նախապատվությունը տվել է Louis Vuitton-ի զգեստին և բրենդի արարողությանը 60-ականների ոճով կարճ զգեստ է կրել:
