Խորվաթիայի Պուլա քաղաքի դատարանը տեղի բնակիչ Անտոն Սիմունովիչին սպառնացել է 2 800 եվրո տուգանքով, եթե նրա շուն Մեդուն շարունակի գիշերները հաչել: Այս մասին հայտնում է Associated Press-ը: Պետական մարմնի որոշումը կատարելու համար տղամարդը ստիպված է լինում կենդանուն գիշերները փակել ախոռում:
Շան ձայնից բողոքով դիմել է տղամարդու հարևանը: Նրա խոսքով՝ իր առողջության վրա բացասաբար է ազդում այն, որ Մեդուն մշտապես հաչում է: Կենդանու տերը պատրաստվում է վիճարկել դատարանի որոշումը: Նա նշել է, որ Մեդուն ցանկացած այլ շնից շատ չի հաչում:
Նշվում է, որ հաչոցի արգելքը հանրային լայն արձագանք է ստացել այդ տարածքում: Մեդուին աջակցող Podrška za Medu ընկերակցությունը Facebook-ում 1 ամսից պակաս ժամանակում ավելի քան 40 000 բաժանորդ ունի: Իրենց համերաշխությունը հայտնելու համար շների այլ տերեր սկսել են այդ էջում իրենց կենդանիների լուսանկարները հրապարակել:
Հաղորդվում է, որ մոտ ժամանակներս Պուլայում ևս մեկ դատ կլինի. Սիմունովիչի հարևանը փորձում է որպես վնասի փոխհատուցում նրանից 1 400 եվրո ստանալ:
