Վրաստանի պաշտպանության նախկին նախարա Բաչո Ախալայան բացառել է նոր իշխանությունների հետ գործարք կնքելու հավանականությունը: Ինչպես հաղորդում է «Գրուզիա Օնլայնը», այս մասին նա հայտարարել է «Փրայմ-թայմ»-ին տված հարցազրույցի ժամանակ:
«Կարծում եմ, որ նոր իշխանությունը երկիրը տանում է սխալ ուղղտությամբ: Երկու ամսվա ընթացքում այս մարդկանց հաջողվեց մեկուսանցել Վրաստանը»,- նշել է նա:
Նախկին նախարարը նշել է, որ Վրաստանից իր հեռանալուց անմիջապես հետո խոսակցություններ են սկսվել այն մասին, թե ինքն իբր գողացել է միլիոններ և փախել Բրազիլիա:
«Սա ուղղակի ծիծաղել է: Տարածվել են շատ առասպելներ, որ ես հրեշ եմ, մարդասպան»,- ասել է Ախալայան:
Ախալայան իրեն համարում է քաղբանտարկյալ: Նրա կարծիքով՝ Վրաստանի կառավարության ղեկավար Բիձինա Իվանաշվիլիի առաջնային նպատակը քաղաքական հետապնդումն է, և վարչապետը չի թաքցնում դա ու մի քանի անգամ հայտարարություն է արել այս կապակցությամբ:
Նախկին նախարարի խոսքերով՝ Վրաստան վերադառնալուց հետո, ինքը ցանկացել է հրապարակավ պատասխանել իր հասցեին ուղղված բոլոր մեղադրանքներին, սակայն իրեն չեն շնորհել նման հնարավորություն: Ախալայան նշել է, որ նոր իշխանությունները վախեցել են իր հրապարակավ հայտարարություններից:
«Կարող եմ մեկ օրինակ բերել, և որոշե՛ք ինքներդ. չգիտես ինչու, այսպես կոչված «տուժած» մարդիկ դատախազություն հայց են ներկայացրել միաժամանակ՝ իմ ժամանումից մի քանի ժամ անց: Նրանց հարցաքննությունը դեռևս չէր ավարտվել, երբ ինձ կանչեցին: Այսինքն՝ նրանց ներկայացրած տեղեկատվությունը դեռևս չէր մշակվել»,- ասել է Ալասանյան և հավելել, որ վկաների ցուցմունքներում առկա են շատ հակասական փաստեր:
Նախկին նախարարը նշել է, որ չի վստահում դատարանին, քանի որ դրա վրա մեծ ճնշում է գործադրվում, իսկ արդարադատության նախարարը սպառնում է դատավորներին:
